Ved Institutt for biologi (BIO) ) (http://www.bio.uib.no) er det ledig ei mellombels treårig stilling som forskar ved prosjektet ”Trait-based ecosystem models: From individuals to biodiversity in aquatic communities” frå 01.10.2009. Stillinga er knytt til Modelleringsgruppa (http://www.bio.uib.no/modelling) og er finansiert av Forskingsrådet.

Prosjektet si målsetjing er å utvikle ein ny generasjon modellar for akvatiske økosystem, kor diversitet og struktur vert styrt av evolusjonære mekanismar. Vi vil utvikle 1D-modellar for vertikale prosessar med fokus på primærproduksjon og dyreplanktonsamfunn.

Til stillinga ynskjer vi ein motivert og sjølvstendig person med fagleg bakgrunn innan evolusjonsteori, kvantitativ modellering eller generell oseanografi. Det er ein føremon med gode kunnskapar eller bakgrunn i individbasert modellering, oseanografi, økologi og numeriske metodar. Stillinga krev gode munnlege og skriftlege engelskkunnskapar. Vitskapleg produktivitet vil verte vektlagt.

Utfyllande opplysningar om stillinga kan ein få ved å vende seg til professor Øyvind Fiksen,
e-post Oyvind.Fiksen@bio.uib.no / tlf. +47 55 58 46 24.

Søkjarar må ha oppnådd norsk doktorgrad eller tilsvarande utanlandsk utdanning i eit relevant fagområde, eller ha levert doktoravhandlinga si til vurdering innan søknadsfristen er ute. Det er ein føresetnad at avhandlinga er godkjend før tilsetjing kan skje.

Løn etter lønssteg 57 (kode 1109/LR 24.1) ved tilsetjing. Vidare opprykk skjer etter tenesteansiennitet i stillinga (lønssteg 57–64).

For særleg kvalifiserte søkjarar kan det vurderast høgre løn.

Den statlege arbeidsstyrken skal i størst mogleg grad spegle mangfaldet i befolkninga. Det er difor eit personalpolitisk mål å få ei balansert alders- og kjønnssamansetjing og rekruttere personar med innvandrarbakgrunn. Personar med innvandrarbakgrunn vert oppmoda om å søkje stillinga.

Universitetet i Bergen nyttar "meroffentlighet" ved tilsetjing i vitskaplege stillingar.

Den som vert tilsett må rette seg etter dei retningslinene som til kvar tid gjeld for stillinga.

Søknad, CV, vitnemål og attestar, namn og kontaktopplysingar til to referansepersonar, og dessutan ei liste over vitskaplege arbeid skal sendast elektronisk via link på denne sida: ”Søk denne stilling”.

Søknadsfrist: 01.07.2009

Søknaden skal merkast: 09/4670